Lehen Taldea 16 urt. 2026

Alessio Lisci: "Bihar puntuak guztion artean ateratzeko eguna da"

Alessio Lisci Osasunako entrenatzaileak prentsaurrekoa eman du gaur komunikabideen aurrean, Real Oviedoren aurkako partidaren atarian (urtarrilaren 17an, larunbata, 18:30ean, Sadarren). "Lehengo eguneko kolpetik errekuperatzen ari gara, baina aurrera begiratu behar dugu, bai guk, bai taldeak, baita inguruko guztiak ere. Oso kolpe potoloa izan da, eta kito, horrekin bizitzen jakin behar da, eta aurrera begiratu, oso partida garrantzitsua baitator. Oso partida garrantzitsua da, eta ziurrenik Alavesen aurka jokatu genuenaren mailan dago. Bihar puntuak guztion artean ateratzeko eguna da", esan zuen.

Bere taldeak bihar egin behar duen partiduaren inguruan, honakoa azaldu zuen: "Ziur asko hobeto egin beharreko gauzak daude, batez ere partidan jarraitzekoak. Joaneko partidan, bai gu eta bai haiek oso desberdinak ginen orain garenekiko. Lehen zati handi bat egiteko eta bigarrenera eramateko gai izan behar dugu, Alavesen partidara zenbat eta gehiago hurbildu, orduan eta gertuago izango dugu irabaztea".

Era berean, El Sadar aipatu zuen garaipena lortzeko funtsezko faktoretzat: "Zaleei, errepikakorra naiz, ezin diet egiten ari direna baino gehiago eskatu, etxean eta kanpoan sinestezinak direlako, aurreko egunean, partidan zehar bakarrik entzuten nien, ikaragarria izan zen Kopan. Eta etxean gure gakoetako bat da, nire ustez, taktikez eta beste istorio batzuez hitz egin arren, gure errendimendua etxean edo kanpoan. Iaz antzekoa gertatu zen, aurten berdin ez gaudela alde batera utzita, etxean zaleak dira gakoetako bat. Bide beretik jarrai dezatela eska diezaieket, laurogeita hamar minutuak gehi deskontua anima diezagutela, eta, beti bezala, partida amaitzen denean hor nago ni, norbaitek kolpeak eraman behar baditu mesedez denak niretzat izan daitezela, taldeak ziurrenik dena utziko duelako ".